GV

Chaos a de GV...
Awäsend: Natürlech aui, wie sich's ghört!  ;-)

D’Linge-Maria hett äxtra wäge üs 10 Minute früecher agfange. Die letschte 13er si de ou no  itroffe, wo mir eigentlech hätte wöue ablouffe.


Mit ere 1/4tu-Stung Verschpötig si mir abglouffe. Die Verschpötig hei mir aber fasch ufghout, wöu mir wäge de Chöuti zügig gäge Weierhof gmarschiert si.

Im warme Chalet-Schtübli het üs d’Theres mit eme Glas Wiisse empfange und mir si schnuerschtracks zur GV gschritte.


Guet, es isch haut eifach nid eifach, so ne wöude 13er-Huuffe z’präsidiere.


Kei Disziplin und Ornig, es huere durenandduregschnor und Diskusione über Sache, wo eigentlech klar wäre.

Dezue immer weder die cheibe Präsidiumabsetzigsversüech, wo eh kei Mehrheit würde finge.


Jonu, mir heis de ämu doch no gschafft, üsi Aläss im 2009 z’definiere:


Am 2. Mai organisiert üse Rächerswiler Jürg de Früehligsevent und am 19. Septämber isch de Remo dra füre Herbscht.

D’GV 2010 fingt am 30. Jänner statt. De Präsi und de Vize tüe organisiere.


Aus fakultative Event stiigt am 21.03.09 s‘“Rindsfilet à discression“. 13er - bitte so gli wie möglech bim Willi amäude.


D’Mittudörfler heis weder mou verpasst, rächtziitig e Statuteänderig z’beantrage, drum si jetz haut de Präsi und de Vize es witers Johr im Amt.


Für d’Ufzeichnig vo 5gäge5 am 25.+26.03. hei mir d’Möglechkeit, mit öppe 30 Supporter uf Züri z’reise. Nöcheri Agabe chöme de no
 

Jetz het s’Theres s’Fleischfondü ufgfahre und mir hei üs d’Büch vougschlage, bis es am einte oder angere (vorauem am einte) nümme wou gsi isch.
Dä eint het ufem Heiwäg glitte, so nach Motto: Säuber gschoud!)
 

D’Linge-Maria het, velech wöu si 10 Minute früecher agfange het, am Obe 10 Minute früecher zue to.
So isch de haut de Räschte 13er no zum Türk go s’Fürobebier näh.

Copyright � 2015 13er Club Subingen

All Rights Reserved.