GV

Bericht der GV 2007
Awäsend: Aui usser dr Remo vo Spanie

Am 5i het me sich ir Linge zu Subige zumene erschte Stängeli troffe.

Drufabe het üs de Rainer sicher und zügig zu dr Familie Soland nach Twann gfüehrt. (Lueg ou i dr Linklischte noche)
 

Zumene Gläsli Wiisse het de dr Präsi versuecht, dur d’GV z’leite. Das hätt eigentli ganz guet klappt, wenn do nid e plumpe Putschversuech stattgfunge hätt.

Dr Tinu und dr Kusi - nenne mer doch die Abtrünnige bim Name… - hei doch tatsächlech versuecht, imene hinterhäutige Komplott s’Präsidium ab z’setze.

Es paar wenigi 13er hei sich denn de lähre Verschprächige vo dene Desertöre agschlosse, aber zum Schoudoun isches denn doch nid cho. D’Gerächtigkeit het obsiegt und s’Präsidium isch gäng no in Amt und Würde. S’Präsidium het imene bilaterale Gschpröch nach dr GV beschlosse, dass es sich nid kampflos so eifach loht lo abschiesse.

 

Und jetz doch no zu de Bschlüss vo dr GV:

Organisator Früehlig 07:                                         Chrigu am 28. Apröu 07 ab de 1

Organisator Herbscht 07:                                       Kusi am 01. Septämber 07 ab de 1

 

GV 2008:                                                                   Präsidium am 26. Jänner 08 ab de ca 4i

                                                                                  Amäudig zur Färnsehsändig 5gäge5 dure Ueli

 

Nachere turbulänte, disziplinlose und tumultartige angryGV hets de gli mou die feine Treberwürscht mit Härdöpfusalat und früschem Brot gäh.

 
Hmmm… eifach immer wieder guet und emfählenswärt.

Zwüsche de Würscht und am Dessärt hei sich de no es paar 13er is Fass hinge rächts verloffe. Dört hei die verirrte Kamerade 2 Holländerinne atroffe.

Mit dene 2 ufgschtöute Dame hei mir di eint oder anger Gmeinsamkeit feschtgschöut und si so zu intressante Gschpräch cho.


Danke Rainer, dass du üs weder sicher uf Subige gfüehrt hesch.

 
Für e Schlummertrunk hei mir üs de no im Löchli igfunge.

 

 

Copyright � 2015 13er Club Subingen

All Rights Reserved.