Frühling-Event Chrigu

Frühling 2007
Awäsend: Aui usser dr Füürwehrma Jürg

Auso, zerscht mou zu üsem Füürwehrma Jürg:

So geit das natürli nid, liebe Jürg. D'Füürwehr cha nid wichtiger si aus de 13er-Club...! S'Urteil vom 13er-Gricht lutet: 1 Johr lang säge aui 13er "Rächerswiu" und e Rundi am nächschte 13er-Event...! Fang mou afoh schpare, Jürg! ;-)surprise


De Chrigu het uf die 1 i d'Linge ufbotte. Nach emene Uftakttrunk si mir de mit em Bus vor BSU uf Solothurn ine gfahre.
1. Etappe: "solheure". Bi schönschtem Wätter hei mir dusse a dr Bar eis zwitscheret, bevor üse Reiseleiter het afoh mit dr Geisle chlöpfe. Nachmene wäuts Fuessmarsch vo ca 250 Meter si mir plötzlech ir Wiistube vo de Gschwischter Biberstein glandet.

2. Etappe: "Zvieriplättli". I dr Weingalerie Biberstein si mir wortwörtlech mit Härz empfange worde. Leider hei d'Schwöschtere uf Mallorca gsunge, aber die 2 Froue aus Stöuverträtig hei üs hervorragend bewirtet. Bimene wunderbare, wiisse Merlot si mir mit Salami und Chäs verwöhnt wurde. Sehr gmüetlech und sehr z'empfähle!

3. Etappe: "Heilige, Damen, Dirnen und Hexen"! Vo de Frou voGunten hei mir nochhär aues erfahre über die Adlige - vorauem Froue - vo Solothurn, wie si gläbt hei, bättet und bettet, gliebt, ghueret, sich verhürotet hei, etc etc...! Und dr Casanova isch i dere Ziit ou no ir Gägend gsi!

4. Etappe: "Durscht". Nach dem intensive zuelose - sogar de Remo het uf sinere 4 Stadtfüehrig nöis erfahre - si mir froh gsi, dass mir e Zapfhahne entdeckt hei am Aarequai unde. Proscht!

5. Etappe: "Hunger". Zum Restaurant 'Zur Grünen Ecke' es paar Stichwort, wo müend länge:
 Gmischte Salat, Pizza, Spaghetti mit 4 verschiedene Sosse (bis zum abwinke!), Dessärt, Kafi, Wii (und de nid de schlächtischt), Schnäppsli, imene hervorragende Pris-Leischtigsverhäutnis. Eifach top!

6. Etappe: "11i-Bier". Die meischte wo gärn Bier het, so wie d'13er, hei sich a de Biertäge ir Rythaue troffe. Drum hei mir ir 11i-Beiz gnue Platz gha und hei üs einigi Hydrante lo ufe Tisch schtöue. D'Subiger Füürwehr (d'Rächerswiler het jo gfäut...!) isch de sofort aktiv wurde und het die Glasschlüüch aghänkt.

7. Etappe: "Hei". De Rainer, wo mir scho vom Treberwurschtässe kenne isch üs de cho abhole und het üs sicher uf Subige gfüehrt. Die, wo no hei möge, si no im Löchli be vöu z'luter Musig go e Schlummerbächer genämige.

So, Chrigu, guet gmacht!

Danke für dä gmüetlech Samschtig und die gueti Organisation.

Es isch eigentli aues ruehig verloufe. Die 2 Putschbrüeder vom Mittudorfwäg heis zwar mou versuecht, hei aber gli gmerkt, dass dr Präsi und dr Vize z'fescht im Sattu sitze, aus dass si chönnte mitemene Putschversuech Erfoug ha.

 

Copyright � 2015 13er Club Subingen

All Rights Reserved.