Frühling-Event Dinu

Mit Vollgas um Kurve!
Awäsend: Super, aui!


Zum Start hei mir üsi nöi Klub-Jagge dörfe aprobiere. Bequem isch si, und a dere Schtöu säge mer no einisch a üsne Sponsore (1. Houptsponsor „PC-Hilfe Tardo“ und 2. Houptsponsor „Rohn-Strom“) es dicks MERCI-vöumou.

E Triathlon!! De Tinu het äuä würkli gmeint, mer gienge aui go trainiere….!


Nach em obligatorische Uftaktbier, das mou ir Linge, het üs de Tinu mit em Rohn-Büssli uf Roggu gfahre.
Dört hei mer de erfahre, was de Tinu mit em Triathlon gmeint het.

1. Disziplin: Afründe mit Fahrzüg, Schpiid, Brämsverhaute, Kurvelag, Bodehaftig, Ideaulinie, Kollege abschiesse….
2. Disziplin Qualifeiing: Dört het sich zeigt, dass de tifiger nid immer de schnäuscht isch! Gäu Willi…! Het sich doch de Willi dr Kart vom schnäuschte 13er ergatteret und isch so zu sinere 1. Puulposischen cho.
3. Disziplin Rönne: Im eigentleche Rönne het sich de d’Klass doch no duregsetzt (mit wenige Usnahme) Es het zwar am Aendi vor 1. Rundi e Massekräsch gäh. Under anderem e Frontaukollission zwüschem Chrigu und em Ueli. Und ou süsch isch’s es abwächsligsrichs Rönne gsi.
So het de Remo si Häum verlore und dr Eugen het d’Löcher gäng zuegmacht (so wie de Schumi am Sunntig vorhär…!)

Die schönschte Piruette het me chönne beschtune. Dr Chrigu und de Heinz si chli Verchehrshindernis gsi, hei aber die schnäuere gäng schön verbigloh.
Es Wunder, dass si nid no gwunke hei.
Dr Norbi het schliesslech überläge vor em Jürg und Remo s’Podest chönne erklimme.
Nach em Bsuech ire Beiz, zmizt ir Prärie, zum Glück mit Bier, aber nur mit Mohrechöpf, Sauzfischli, Zuckereili und Schoggiwaffle (uähhh…was isst me nid aus we me Hunger het…!) si mer im St. Urs zum Znacht glandet.

E gueti Sach hesch für üs organisiert, Tinu! Danke vöumou.

Copyright � 2015 13er Club Subingen

All Rights Reserved.