Solothurner Biertage

Solothurner Biertage ohne Club 13? - Neiiin!!
Awäsend: Chrigu, Heinz, Norbi, Enzo, Ueli. Chli schpöter de Tinu und no chli schpöter de Roli.


Los gange ische es am Sächsi z’Obe bim BSU-Stopp in Subige. De Bus het is bis a Bahnhof gfüehrt, wo mer de Heinz troffe hei und es paar Schritt wiiter hei mer de ou no de Chrigu gfunge. Nach emene wäuts Fuessmarsch über d’Rötibrügg si mer scho bi üsem Ziu acho: Ir Rythaue zu de erschte Soledurner Biertäg.

Für zäh Schtutz hei mer e lähri Schtangi bicho wo aber nid lang lähr gsi isch...! (Hejo, drum si mer jo cho!) Di meischte hei de am Fueterbüfféé öppis z’Nacht poschtet, dass d’Flüssigkeit es Bödeli bicho het. Während em Gnuss vo Hasli-Bier, Langethaler-, Burgdorfer-, Tessiner- und was es no aues gha het und natürli ’Oeufi-Bier hei mer ou d’Musig vo de „Erdinger“ gnosse. Die Musikante hei soooo ungloublechi Emozione uf d’Büni gleit, dass fasch ignickt bisch bim zueluege...!

Wöu d’BSU zum zruggfahre es Gratisticket offeriert het, hets de ou no so vöu Lüt gha zum heifahre, dass d’Maria mit emene Aextrabüssli für üs und es paar angerne het müesse usrücke. Dr Usklang het de im Chrüz stattgfunge, wo mer bi mene Fäudschlössli (Uuuäääääähhhh....!) bschlosse hei, dass aui 13er bir Veloprüefig ir Primarschueu duregheit si und mer die unbedingt nomou müesste mache! (Mou luege, ob öppis drus wird...!)

Copyright � 2015 13er Club Subingen

All Rights Reserved.