Frühling-Event Jürg

Fein hei mir gässe....
Awäsend: Aui !! JEAHHH.... s'erscht mou, dass aui debi si.... BRAVO...SUPPER !!

So ab de haube sächsi hei mer enand ir Linge troffe.
De Rainer het üs ziuschtrebig mit eme Büssli uf Twann gfüehrt. Dört hei mer z'erscht mou erfahre, wie de 'Marc' gmacht wird und ou, wie's zum traditionsriche Treberwurschtässe cho isch. Nach der Theorie isch de gli mou Praxis agseit gsi!

Bi dr Familie Soland - z'mizt i de Räbbärge - hei mer nach em Apéro die feine Würscht mit eme usgezeichnet zuebereitete Härdöpfusalat chönne gniesse.
Und nach de verschiedenschte Deguschtazione - vom 'Chatzeseicheler' bis zum 1986er Spätlese - het üs dä chli Spaziergang ganz guet do (...und de Heinz, dä Separatischt hei mer de z'Twann unde ou wieder gfunge!)

Wöu's scho chli schpät gsi isch, hei de es paar 13er scho wieder Hunger bicho!
De Tinu het gjommeret, bis dr Ueli erbarme gha het und no es paar Schinkegipfeli i Ofe grüehrt het. Ond wöu me die nid cha troche abewürge, hei mer de haut no es 11i-Bier gno derzue. So....und dank em Soltaxi si aui gsung und ganz ou wieder hei cho!

Copyright � 2015 13er Club Subingen

All Rights Reserved.