GV 2017

Awäsend: Aui usser de Remi (amene 50i-Fescht) und de Norbi (i de Schiferie)
Wäg de Problem mit de Achillesfärse vo üsem Präsi, hei mer d’Lokeischen vo üsere GV churzerhand vo Corcelles uf Subige verleit.

13er_IMG_2030
13er_IMG_2033
13er_IMG_2035
13er_IMG_2040
13er_IMG_2042
13er_IMG_2044
13er_IMG_2045
13er_IMG_2046

S’Präsidium hett drum i d’Linge (nei nid i Trube) iglade.
Zum Apéro hei mer üs ir Linge-Bar unge troffe zumene Uftaktbierli, bis uf eine, dä cha eifach die Rhifäuder-Brüeii nid suuffe und hett e Tschintonigg bschöut.
De Chrigu hett die gschoudeti Rundi überno, wöu är üs am letschte Herbschtusflug usem Hotelpuul vo Kos agrinset hett, und de Stifu het e witeri Rundi übernoh, wöu das sini erschti 13er-GV isch. Danke dene zwöine.
D’GV hei mer de ou grad ir Bar unge abghaute und vorem Traktandum „Verschedenix“ no 2 chauti Pizza’s inegfräset. Dass si chaut worde si, isch am Präsi und am Vize si Schoud, wöu die s’agregte Gschpräch nid ungerbroche hei. Äxgüsi!
Do die wichtigschte Bschlüss und Diskussione zu de einzelne Theme:


29. Apröu 2017: Früeligsusflug mitem Geni aus Organisator. Är tuet d’“Wanderig“ so schtüre, dasmer in Corcelles chöi go s‘‚Filet de maison‘ nochehole, wo eigentlech hüt planet xi wär. Reserviere tuet de Ueli.


19. Augschte 2017: Herbschtusflug mitem Willi aus Organisator.


02. – 03.Dezämber 2017: Wiehnachtszouber mit de 13er aus Grillbeizer. 10 vo de 13er hei definitiv zuegseit zum Mitmache, de mache mer’s auso weder.
A Schtöu vom Chrigu schtoost de Kusi zum OK mitem Heinz, Enzo und Ueli.


Freiwöuige Ivent: 02. Jänner 2018: Nöijohrsempfang mit Grillfüür bem Pfaffeweiher.


27. Jänner 2018: GV, organisiert vom Präsidium.


Nach de GV hei mer is Sääli ufe züglet und hei bemene gmischte Salätli, 300gr Entercott ufem heisse Schtei mit 4 verschedene Sösseli mit Pommes oder Nüdeli und emene chline Glässeli sehr fein gässe. De Barbeera hett ou aune gmundet und de Grappa zum Kafi gloub ou, d’Fläsche isch emu lähr xi, wo mer fasch aui weder i d’Bar abe si go de Schlummi ha. De Geni hett det unge aber Päch gha, dä hett offebar aue Tschin scho vorem Znacht gsoffe gha, dass si keine me gha hett…! Gemäss Bschluss heimer d’Kulinarik bis vore Schlummi usem Überschuss vom Wiehnachtszouber 2016 finanziert. Usser de Dinu und de Fred, wo im 2016 nid mit üs zouberet hei.
Fougendi Schtrofrundine si am Früehligsusflug offe: je eini vom Norbi und vom Remi, wöu die beide kei Ahnig hei vo Prioritäte setze i de Terminplanig…! ;-)
Bis zum nächschte Mou liebi Grüess vom Autor.

 

 

Copyright � 2015 13er Club Subingen

All Rights Reserved.