Herbst-Event Roli

Awäsend: Aui, usser üsem Präsi! Dä hetts doch tatsächlech gschafft, sini Ferie z’Griecheland über üses Datum z’bueche…das geit natürlech gar nid! Jonu, zmingscht e Schtrofrundi mues drinnligge…!

IMG_1025
IMG_2647
IMG_2648
IMG_2649
IMG_2650
IMG_2651
IMG_2652
IMG_2653
IMG_2654
IMG_2655
IMG_2656
IMG_2658
IMG_2659
IMG_2660
IMG_2661
IMG_2662
IMG_2662_1
IMG_2663
IMG_2664
IMG_2665
IMG_2666
IMG_2667
IMG_2668
IMG_2669
IMG_2671
IMG_2672
IMG_2673
IMG_2674
IMG_2675
IMG_2676
IMG_2677
IMG_2678
IMG_2679
IMG_2680
IMG_2681
IMG_2682
IMG_2683
IMG_2684
IMG_2685
IMG_2686
IMG_2687
IMG_2688
IMG_2689
IMG_2690
IMG_2691
IMG_2692
IMG_2693
IMG_2694
IMG_2695
IMG_2697
IMG_2699
IMG_2700
IMG_2702
IMG_2703
IMG_2704
IMG_2705
IMG_2706
IMG_2707
IMG_2708
IMG_2709
IMG_2710
IMG_2711
IMG_2712
IMG_2713
IMG_2714
IMG_2715
IMG_2716
IMG_2717
IMG_2719

 

 

Wie gwohnt hei mer üs bem Memeth zum Wöukommensbierli igfunde. Äua wöu mer so usghungeret usgseh hei hett üs de Wirt mitere feine Pizza beglückt, wo innert chürzischter Zyt rübis und schtübis wäggputzt gsi isch.

De Roli, üse hütig Reiseorganisator hett üs de zytig zu de Bushautschtöu richtig Soledurn bschtöut. Glichzytig si natürlech, wie üblech, d’Schpekulatione wo’s chönt häregoh, losgange: Wysseschtei, Aarefahrt undsowiter…!

Konkreter isches de worde, wo mer am Bahnhof Soledurn ufs Gleis 10 beorderet worde si. Dört hett nähmlech s’Pendler-Pintli uf üs gwartet. Do isch scho mou klar gsi, dases Richtig Bärn geit. Chum i däm Äxztazügli abghockt, hett üs e fründlechi Dame ou scho es Bierli offeriert. Leider si die öppe 10 Grad z’warm gsi, aber: Bier isch Bier, und ändere heimer’s jo glich nid chönne! Gli druf isch üs de no es Vesper-Houzbrättli mit feine Wurscht- und süsch Fleischware ufe Tisch serviert wurde.

Z’Bärn achoh si mer mou afe im Kornhus-Chäuer ikehrt. Bemene feine, das Mou chüele Bärner Müntschi hei mer üs g’schärkt, bevor, das mer über die imposanti Kornhusbrügg spaziert si gäge Kursau ufe. Aha, d’Härz vo üsne Schpelernature, Gäudschonglöre, Pokergsichter, Schpekulante, Zocker und Bläcktschäcker hesch grad gseh dur’s 13er-Hömmli dure schloh…!

Nachem Tschegg-Inn mit de notwändige ID und usgrüschtet miteme Schpöuguethabe si mer de ufene idrücklechi Casino-Rundreis gfüehrt und i die wichtigschte Schpöu- und Verhautensregle igfüehrt worde.

Nacheme feine Apéro si mer de uf die arme Groupier und –inne losgloh worde und jede hett versuecht, sis persönleche Casino-Glück z’finge. Aues hei mer probiert und zum Teil ou gfunge, ämu zumene chline Teil, gäu Stifu. Aber ou de Stifu hett de Verlockig nid chönne wederschtoh, und hett nid ufgäh, bis er nüt me gha hett…! J

Für vöu 13er isches es nöis und bsungers Erläbnis gsi i dere Wäut vo Glücksschpöu und hunderte vo Schpöuoutomate, wo nume druf gwartet hei, üses Schpöuguethabe us de Hosesäck z’zieh.

Gäge Obe hei mer de is Reschtorant Rosegarte disloziert. Bimene feine Felsenau-Bier und eme feine Rote, wo – einisch meh – de Heinz brawurös usgsuecht hett, hett üs de Roli es Butterzarts Gottlett mit feine Bilage lo uftische. Seeehr fein gsi und empfählenswärt.

Mitem Bus a Bahnhof a Bahnhof, em RBS-Zug uf Soledurn, und em BSU uf Subige hetts im Chrüz no de obligatorisch Schlummertrunk gäh. So, das wär si gsi, üsi Herbschtreis i d’Bundeshouptstadt. Danke Roli für die tipptoppi Organisation.

 

Fougendi Strofrundine si no offe: Chrigu: 1

 

 

Links:

http://www.rbs.ch/Unternehmen/Historische%20Fahrzeuge/das-pendler-pintli

http://www.bindella.ch/de/kornhauskeller.html       

http://www.rosengarten.be/

 

 

Copyright � 2015 13er Club Subingen

All Rights Reserved.