Frühling-Event Remo

Frühjahr 2016 – (Remi, 30. April.2016)

Awäsend: Meischtens 13 13er, zum Znacht nume 12, wöu de einzig ‚Froueverschteher‘ vo üsem Club hett „müesse“ 8 (acht) Froue vom Flughafe Basu go abhole…!!! Hääää…???

13er - 1 von 70
13er - 10 von 70
13er - 11 von 70
13er - 12 von 70
13er - 17 von 70
13er - 19 von 70
13er - 20 von 70
13er - 24 von 70
13er - 25 von 70
13er - 26 von 70
13er - 27 von 70
13er - 28 von 70
13er - 29 von 70
13er - 3 von 70
13er - 30 von 70
13er - 31 von 70
13er - 32 von 70
13er - 33 von 70
13er - 34 von 70
13er - 36 von 70
13er - 37 von 70
13er - 38 von 70
13er - 4 von 70
13er - 40 von 70
13er - 42 von 70
13er - 44 von 70
13er - 45 von 70
13er - 46 von 70
13er - 47 von 70
13er - 48 von 70
13er - 5 von 70
13er - 50 von 70
13er - 51 von 70
13er - 52 von 70
13er - 53 von 70
13er - 54 von 70
13er - 55 von 70
13er - 56 von 70
13er - 57 von 70
13er - 58 von 70
13er - 59 von 70
13er - 60 von 70
13er - 61 von 70
13er - 62 von 70
13er - 63 von 70
13er - 64 von 70
13er - 65 von 70
13er - 66 von 70
13er - 67 von 70
13er - 68 von 70
13er - 69 von 70
13er - 7 von 70
13er - 70 von 70
13er - 8 von 70

 

 

Zum letschte Mou hei mer üs bim Mehmet troffe. Är hett hüt s’letschte mou offe und mues leider üfhöre mit Pizza und Dürum ezetera bache und choche. Mehmet, danke, dass mer i de letschte Johr hei dörfe dini Gescht si. Mir wünsche der aues Guete.

Einigi 13er chöis aube nid lo si, und göh go guugle und schpekuliere, wo’s ächt chönnt häre go. Gäu Präsi! ;-)

 

Die verschtekte Hiwiis uf de Iladig si denn ou ziufüerend gsi und wo mer de Töfflibueb-Bus mit Ahänger hei gseh ume Kreisu kreise isch’s natürlech klar gsi. S’Jugenderinnerigefiiling hett sich sofort bemerkbar gmacht, de Adrenalinpegu isch gschtege und die meischte hei überlegt, wie mängs Johrzähnt das ächt ume isch, sit de letschte Föfflifahrt.

 

Die Einte si vorsichtig as Wärch, hei das Gfährt afe mou abtaschtet und die Angere hei dä Göppu grad i Betreb gno. Ei Cheib hett nid aber nid so rächt wöue. De Willi isch de haut hei gsecklet am Sohnemann sis go hole. Dä hett deför am Nomittag müesse zu de Fründin louffe…!

Nach de letschte Inschtruktione isches de ab Richtig Burgdorf. Aues uf Näbeschtrosse, Flur- und Fäudwäge hei mer s’Töfflifiiling gnosse. Guet, nid ganz aui hei’s glich geil gfunge, das Fiiling! Am Heinz sis Töffli zum Bischpöu isch ab wienes Zäpfli, während dem de Kusi be genau 28 km/h fasch ipennt isch uf de Fahrt. Zum Glück hei die Näbeschtrosse immer chlei gschüttlet und grüttlet und hei Kurve gha…! Bim Heinz si mer immer no nid sicher, ob dä ächt nid e Schrubezieher im Sack gha het. Ou am Willi sis Sohnemanntöffli isch ab wiene Rageete. Das wär äuä ou bliibe hange inere Kontroue…

 

Die ganzi, zirka 1-schtündigi Fahrt hett de ou gfüeuti 100 Mou müesse ungerbroche wärde, dass de Kusi weder chönne ufschliesse!

Aues isch aber guet gange bis zum 1. Etappehaut im Schützehus z’Burgdorf. Bemene feine ‚Burgdorfer‘ hei mer früschi Chreft gsammlet für d’Wiiterfahrt Richtig Soledurner Buechibärg, aber nid, bevor dass de Willi usegfunge hett, dass d‘Gaschtronomiefachfrou wo üs bedient hett, genau 1 Meter 80 läng isch.

 

Chum abgfahre z’Burgdorf wär’s de fasch zumene tragische Zwüschefau cho. De Remi hett bim ibiege uf d’Houptschtross es vortrittberächtigets Outo nid gseh cho. D’Frou Schofföse hett aber de Remi gseh und hett no rächtzitig chönne brämse. Die Tschättere hätt aber ou es angers Outo chönne chouffe aus es grau’s. Grau gseht me haut eifach nid so guet, wenn’s bewöukt isch…hett de Remi gmeint!

 

Weder über Fäud- und Wiesewäg hetts de sogar no e regurichtige Unfau gäh, aber ou dä Zwüschfau ohni ersichtlechi, körperlechi Fouge: Üse nöi 13er-Kamerad, de Stefu, hett doch tatsächlech e subere Abflug gmacht is Fäud use. Wo de sis Töffli ändlech schtöu gschtange isch, hett sich de Stefu was gisch was hesch lo gheie und woner de Gring weder glüpft hett, hetter s’ganze Gsicht und de Häum vo Gras gha. Är hett de gmeint, är heig wöue warte, wöu no eine tüeg fähle! (Er mues de Kusi gmeint ha…!) Ou so chame sich useschnore… Aus nächschts hett sich am Präsi sini Pedauchetti verchlemmt. Während eme churze Boxeschtopp zmitzt i de Prärie usse, hett er mit Awändig vo es betzeli Gwaut dä Schade chönne behebe, hett aber vo denn a sis Töffli müesse aseckle, wenn de Motor abgschtöut hett! Hettem ou guet to! ;-) Und de Kusi hett erscht no es Heileit erläbt, wöu er für einisch nid de letscht gsi isch! Binere Schtoppschtross isch de de Norbi am Roli no is A…. gfahre, debi hett de Roli, wöu er jo d’Verchehrsregle ou chli kennt, nume e Rouschtopp wöue vermiide. Z’jufle hetts jo gar nüt gäh, wöu mer eh hei müesse ufe Kusi warte!

 

Ou de 2.langsamscht im Fäud isch mit de Zyt immer übermüetiger worde. Benere Imündig hett de Vize de Kurveradius nid ganz genau richtig berächnet, müesse 2-3 mou korigiere, hett die ganz Schtrossebreiti usgnützt und so wär’s bimene Hoor zumene Heiseider cho.

De Heinz mit sim Zäpflitöff hett de Uftrag übercho, vorus z’fahre und öppe es Föteli oder 2 zmache vo üs be de A- und Durchfahrt. Mit sine 55 km/h (heee, das isch s’Dopplete vom Kusi!!!) hetter sich plötzlech z’Schalune äne gfunge, debi si mer Richtig Kyburg gfahre. Aber dä Cheib isch trotzdäm no 10 Minute vor üs i de Beiz gsi und hett scho es haubs Bier trunke gha, wo mer acho si. Jetz hetts afoh rägne, nei schiffe…!

 

Nacheme feine Buechibärger und eme schön agrichtete Zvieriplättli hei mer haut die mitgleferete Rägeschütz montiert und si ab Richtig heizue. Und wüsseder was de bescht isch? Nei? Am Kusi si Chare isch plötzlech schnäuer worde! ÄR ISCH NID DE LETSCHT GSI, WO Z’SUBIGE ACHO ISCH…! JEAHHHH….! 

 

Einigi 13er si ganz churz zumene Kafi zum Mehmet go ufwärme, die angere schnäu hei, trochni Chleider go alegge und de heimer ir Linge es feins Saschnipo gnosse und aues, was haut so zumene 13er-Znacht ghört. De Schlummi hett’s de i de Lingebar unger gäh und de Geni hetts sogar ou no einisch gschafft zo üs, nachdäm daser die Froue abgleferet hett. Dank em Geni hei die meischte nid müesse heilouffe. Und weni mer’s so im Nachhinein richtig überlegge, isch gloub de Kusi de letscht gsi, wo ir Lingebar unge uftoucht isch…! ;-)

Danke Remi für die guet Organisazion, s’nächscht Mou eifach s‘entschprächende Wätter dezue nid vergässe z’bschtöue. Es isch aber glich geil gsi!

 

 

Links:

http://toefflibueb.ch

http://burgdorferbier.ch/

 

 

 

Copyright � 2015 13er Club Subingen

All Rights Reserved.