Herbst-Event_Ueli

Herbscht 2015 – (Ueli, 19. Septämber 2015)

Awäsend: Aui, usser de Jürg, dä hett sitem Januar keine gfunge, wonem de Pikett abnimmt, de Geni, wo erscht zum Znacht zu üs gschtosse isch, wöuer unbedingt hütt Nomittag hett müesse go Zähler abläse und de Roli, dä hett scho mou – ämu för hütt – is Autersheim müesse…! ;-) Hei mer ämu aui gmeint…!

IMG_2080
IMG_2081
IMG_2082
IMG_2084
IMG_2085
IMG_2087
IMG_2089
IMG_2090
IMG_2091
IMG_2092
IMG_2093
IMG_2095
IMG_2097
IMG_2098
IMG_2099
IMG_2100
IMG_2101
IMG_2102
IMG_2103
IMG_2104
IMG_2105
IMG_2106
IMG_2107
IMG_2109
IMG_2111
IMG_2112
IMG_2113
IMG_2115
IMG_2116
IMG_2118
IMG_2131
IMG_2140
IMG_2142
IMG_2143
IMG_2144
IMG_2146
IMG_2147
IMG_2148
IMG_2149
IMG_2150
IMG_2151
IMG_2152
IMG_2153
IMG_2154
IMG_2155
IMG_2156
IMG_2157
IMG_2158
IMG_2159
IMG_2160
IMG_2161
IMG_2162
IMG_2163

Jojo, ou i üsem 13er-Club schriitet d’Überauterig unufhautsam voraa…! Das zum Thema Autersheim! ;-)

Weder einisch bim Pizza-König hei mer üs zum gwohnte Uftaktbierli troffe. De Enzo hett bim Organisator e Überraschigsgascht ankündiget. Und d’Überraschig isch tatsächlech gross gsi, wo de Roli ume Egge cho isch. Aus urschprünglech vorgsehne Organisator hätt är ebe is Autersheim aus Bürgeramme müesse go e Red haute und hett sech drum abgmäudet gha. Aber weme d’Termine nid im Griff hett, chunts haut de ebe so use. Jono, isch jo guet cho so, süsch hätter jo nid chönne debi si…! Und: mir hei nid mou müesse warte ufne! ;-)

Üse hütig Usflug hettis weder einisch i üsi Houpstadt Soledurn gfüehrt. Notabene die schönscht Barockstadt vo ganz Weschteuropa. Vor ca 3 Woche hett jede 13er de Uftrag übercho, zu eim vo de berüehmte 11 historische Brünne i de Stadt use z’finge, wases mit däm Brunne uf sich hett. Schpötischtens bim zwöite Brunne hei natürlech aui gwüsst, um was dases bim hütige Träffe geit! Scho bim erschte Brunne (Hintergassbrunne) hetts es Gläsli Wy gäh, serviert vo gsamte Familie Burri. De Willi hett zwar uuuvöu gwüsst über d’Gschicht vo däm Brunne aber nüt gseit. Hett doch dä eifach aune e Doppusite Infos verteilt mit de Bemerkig: „Do lies mou…!“ ;-) Und ou üses 13er-Unwort „Ortskenntnisse“ isch (leider) weder mou erwähnt worde.

Übere Franziskanerbrunne (ohni Franziskanerbier, das hett de Organisator am Fred usgredt, isches zum Mauriziusbrunne. De Remo aus Stadtfüehrigshasser (…hett afe gfüeuti 100x e Stadtfüehrig mitgmacht!) isch aus Stadtfüehrer über sich use gwachse und hettis richtig intressanti Details verzöut. Dä Rouetusch hettem guet to und är hett sich drum aus Stadtfüehrer be SolothurnTourismus beworbe…!

De Mosesbrunne be de St. Ursechöuche isch vom Kusi trochegleit worde und so heimer die 11 Wasserfäu us de Muschle leider nid chönne beschtune. Am andere Ändi vo de berüehmte Schtäge isches de zum Eklat cho. Wöu de Dinu si Uftrag nid richtig gläse hett (es git 2 Simsonbrünne i de Stadt…!) wüsse mer jetz nid würkli aues über dä Brunne, aber deför, wie de Dinu cha schtämpfele und trötzele, und das bis mer hei si am Obe am 12i…! J

Am Heinz si Chloschterplatzbrunne hett gfischelet (hetter ämu bhouptet) und üs wöue weis mache, dass de Blueme Wyss dä Brunne äxtra für üs mit Granium gschmückt hett.

Über d’Chrüzacherbrügg simer de ufem Wäg zum Zvieri a de Hafebar verbi cho, wo mer natürlech e Zwüschehaut gmacht hei. Det hett doch de Kusi tatsächlech e auti Jugendliebi (oder isches ‚nume‘ e Bekanntschaft gsi?) atroffe. Mir händ ne nur mit Müeh und Not chönne vo dere Bar losriise!

Es gmüetlechs Zvieri - es schöns Plättli mit feinem, früschem Brot und eme guete Wy - hei mer im Reschtorant „Vini“ gnosse. Empfählenswärt das Beizli, gmüetlech, locker, guet!

De Chrigu hett nach dere Pouse am Dornacherbrunne si Ritterhöum ufgsetzt und isch sofort mit Inträsse vo diverse Touris beobachtet worde. Ufem Wäg zum Georgsbrunne heimer no üsi soledurner Wätterfee, d’Sandra Boner atroffe. Si hett üs mitteilt, dass s’Wätter hüt dusse stattfingt.

De Norbi hett am Georgsbrunne schpeziell ufe dargschtöuti Drache higwese, wo sinnböudlecherwis näbere Frou gschtange isch…! ;-) De isch scho weder de Chrigu dra gsi, wo füre abwäsend Jürg si Simsonbrunne churzfrischtig übernoh hett. Är hett afe mou 3 Froue vertrebe und e wüschendi Florischtin vom Bluemelade näbedra hett ou die Eint oder Anger Bemerkig müesse alose zu ihrer Tätigkeit!

Bim Grächtigkeitsbrunne, mit de Frou Grächtigkeit aus Grächtigkeitssymbou (worom das ou immer mues e Frou si…!) ;-) hett de Ueli s’Wichtigschte a Schtöu vom Geni – dä hett zu dere Zyt grad si Tschipp irgendwo inegschteckt – gwüsst z’verzöue. Glichzitig hetts no es Gruppefoto für d’Heso-Galerie gäh vom Foto Häfeli.

De St.Ursebrunne bim Cheschtelemuni ufem Märetplatz hett mitem Enzo de Abschluss vo üsem Turnee gmacht. Ou dä Brunne, wo agäblech de wärtvouscht isch i de Stadt, isch scho mou ufeme angere Platz gschtange, wie mehreri vo dene historische Brünne, wo mer hüt bsuecht hei. De Bannerträger uf de Brunnesüle mues sich a de Fahnschtange hebe, dasser nid hingerzi i Brunne abegheit!

So, ufem Wäg ufe Bus hei mer no einisch e Haut gmacht be de Hafebar und dä arm Kusi hett fasch afoh gränne, wöu sini ‚Bekanntschaft‘ scho Fürobe gha het ungerdesse!

Es paar 13er hätte de doch no bimene Hoor fasch de Bus verpasst i de Vorschtadt. Im Bus si de diversi Fahrgäscht sehr amüsiert gsi vo üsere Awäseheit und e jungi Frou hett de d’Schlummertrunkgruppe i de Chäuerbar i de Linge es paar Stung schpöter sogar no einisch atroffe.

S’Znacht hei mer im Reschtorant Oeschbrügg in Subige zuenis gno, wo de de Geni doch ouno zuenis gschtosse isch. Dä arm Cheib hett natürlech einiges müesse alose wäg sinere Zählerabläserei. Aber danke für di Zueschtupf a d’Getränk!

D’Cordon bleu und d’Rahmschnitzeli miteme grüene Salätli vorab hett gloub aune gmundet. G’wylet und bieret hei mer wie die Grosse und s’eint oder angere Grappa isch de ouno dezue cho.

Wie scho gseit, heimer z‘5te höch dä Usflug i de nöie Chäuerbar im Reschtorant Linde lo usklinge. Danke Giele, dass der so flott mitgmacht heit.

Fougendi Strofrundine si no offe: Jürg: 2

Links:

http://www.solothurn-city.ch/de/

http://www.algrappolo.ch/ (Rest. ‚Vini‘)

http://www.fotohaefeli.com/CM15/displayimage.php?album=1878&pid=292515#top_display_media

http://www.oeschbrücke.ch/

 

 

 

Copyright � 2015 13er Club Subingen

All Rights Reserved.