GV 2015

GV 2015 – (23. Januar 2015)

Awäsend: Aui, jeahhhh….

Dass a de hüürige GV aui 13er hei chönne teilnäh, hett die usnahmswiis scho am Friitigobe statt am Samschtig stattgfunde.

Mitem Zügli ab Soledurn simer mit der Moutierbahn weder mou Richtig Corcelles gfahre. Scho uf de Hinfahrt hei mer die erschte Traktande behandlet, dass mer de umso früecher hei chönne afoh Znacht ässe. S’Znacht, wo übrigens üse Houptschponsor, de Dinu vo „Rohn, Qualität beim Strom“ übernoh hett. No einisch härzleche Dank! Mir chöne natürlech das Unternähme aune Läserinne und Läser wärmschtens empfäle. (De Link fingsch am Teggschtändi)

Jetz aber doch no s’Wichtigschte vo de Diskussione:

è    D’Organisatore 2015 si de Enzo im Früehligam 09. Mai, de Roli im Herbscht am 19. Septämber

è    De Vorschlag vom Dinu, dasmer im 2016 (15 Johr 13er-Club) no einisch as Oktoberfescht uf Konstanz göh, wird knapp abglehnt. Aus freiwöuige Alass isch das aber natürlech immer möglech…!

è    Homepage: De Vorschlag uf Uflösig wird abglehnt. De Kusi tuet se nöi gschtaute und betreue

è    Wöu mer jo kei Kasse füehre, wird de Räschtbetrag vo üsere Jubi-Reis teilt und uszaut

S’Znacht, d’Huusschpezialität vom Reschtorant „L’Etrier d’Argent“, Rindsfilet à la maison hett wie immer gmundet und de Eint oder Anger het de Buch so richtig gföut gha. Mitem 11i-Zügli heimer üs de weder Richtig Soledurn verschobe und hei dodemit e Bitrag a d’Erhautig vo dere i Frog gschtöute Bahnlinie gleischtet…!

Links:

http://www.rohn.ch

Copyright � 2015 13er Club Subingen

All Rights Reserved.