Herbst-Event Jubireise

Awäsend: Aui, usser de Enzo
Zum 13jährige Jubiläum vo üsem 13er-Club hei mir üs e 3-tägigi Jubi-Reis gleischtet. Wöu mir jo aui leider nid sooo gärn Bier trinke, hei mer wöue as Oktoberfescht uf Konstanz go es bitzeli Nachhöufungericht näh.

P1010163
P1010166
P1010169
P1010170
P1010173
P1010174
P1010177
P1010178
P1010179
P1010181
P1010183
P1010187
P1010194
P1010202
P1010203
P1010218
P1010220
P1010221
P1010223
P1010224
P1010230
P1010241
P1010243
P1010248
P1010250
P1010252
P1010253
P1010255
P1010263
P1010264
P1010266
P1010271
P1010277
P1010306
P1010319
P1010323
P1010330
P1010334
P1010337
P1010342
P1010349
P1010351
P1010352
P1010363
P1010371
P1010379
P1010405
P1010411
P1010418
P1010427
P1010439
P1010441
P1010445
P1010456
P1010458
P1010460
P1010464
P1010466
P1010471
P1010486
P1010488
P1010490
P1010497
P1010501
P1010512
P1010520
P1010524

Aus eini vo 2 Schwizergruppe hei mer chönne am grosse Feschtumzug zur Eröffnig vom Oktoberfescht teilnäh. Usgrüschtet mit Oktoberfeschthuet, 13er-Wimpeli, eme grosse 13er-Schöud und eme Leiterwägeli heimer üs am Fritigmittag ufe Wäg gmacht. Zum Jubiläum hei mer üs sogar es Erschtklassbilett gleischtet.

S’Leiterwägeli isch gföut gsi mitere Chüeubox und waseliwas drinne ächt…? Genau: Schöggeli, zum a de Umzugzueschouer z’verteile, tüpischi Schwizerschöggeli haut, so miteme Schwizerchrüz druff!

Guet, wöu die Schöggeli jo nid sooo vöu Platz wägg gno hei, wär’s jo schad gsi füre vörig Platz, drum heimer haut ou no es paar Schwizer Bierli mitgnoh! J

Z’Konstanz achoh, heimer Zimmer bezoge. De Üli hett aues beschtens organisiert. Nochhär ‚was gisch was hesch‘ ufe Sammuplatz füre Umzug. Es paar 13er hei det scho nid chönne es paar Minute ufem trochne hocke und hei sich ine Beiz verabschedet. De Reiseleiter hett se natürlech vermisst wo’s hätt söue losgoh und isch fasch verzwiiflet. Pünktlech ufe Abmarsch häre si si de natürlech weder uftoucht, die Süchle…! ;-)

De Umzug isch de ufem Feschtgländ fertig gsi und aus Umzugsteilnähmer simer Gascht gsi im grosse Feschtzäut. ‚Paulanerzäut‘ het’s gheisse… hmmm, kei Ahnig wiso usgrächnet so…!

‚Ozapft isch‘ worde und be lüpfiger Musig und tüpischem Oktoberfeschtässe i Form vo Haxn oder Hehndl oder Schtiik oder Krautsalot oder Veschperplatte oder oder oder…., mitere Mass dezue (oder si’s ächt zwöi gsi?) hei mer dä Fritigobe über d’Runde brocht.

Nacheme üppige Zmorgebüffee simer de am Samschtigmorge mitem Schiff uf die angeri Bodeseesite gfahre worde. In Meersburg hei mer das malerische Schtettli besichtiget und s’Eint oder Angere g’fuudet oder de Kater vom Vorobe afemou abegschwänkt.

Am Samschtigobe hei mer i de äxtra für üs reservierte Wii-ei-pii-Box Platz gno. Dört simer kulinarisch und flüssigkeitstechnisch de ganz Obe miteme 3-Gänger und none Maass – und none Maass – und… verwöhnt worde.

Aber nid nume: Wie sich das ghört a de Oktoberfescht isch ou s’Oug nid z’churz cho. Feschi Mädels mit ihrne schöne Trachte si durend vor üsere Box dureflaniert und hei üs, wöu mer chlei erhöht gschtande si, ou die entsprächende Tiefblicke gwährt. Mer hei ou erfreut dörfe zur Kenntnis näh, dass so Trachte ou sehr churz dörfe si und vööööu Bei dörfe zeige…

Höche Bsuech hei mer de ou no übercho i üsere Box: D’Miss Oktoberfescht hett üs höchschtpersönlech d’Ehr erwese – wooowww – und hett is wöukomme gheisse. De Mister isch gloub ou debi gsi – oder ächt doch nid? – i weises nümm…! ;-)

Hei zue gäge s’Hotel simer de individuell einzu, de Tiimgeischt hett is de irgendeinisch im Louf vom Obe verloh…

Am Sunntig hei die meischte vo üs no d’Stadt Konstanz chlei erkundet und es Bödeli gleit für d’Rückreis. D’Chüeubox im Leiterwägeli, mit früsche Chüeuelemänt usgrüschtet, hett wederum aus schtrategisches Zentraulager für auerlei Tranksame dient. Scho gäbig, wenn de Chüeuschrank gäng biider hesch…!

Mitem diräkte Zug vo Konstanz uf Soledurn simer – nümm ganz früsch – aber glücklech heuzue greist. Es Äxtrabüssli hett üs no uf Subige gfüehrt und aui üsi Froue si ou glücklech gsi, dass si üs weder gha hei! ;-)

Links:

http://www.oktoberfest-konstanz.com

http://www.hotel-halm.de

 

 

Copyright � 2015 13er Club Subingen

All Rights Reserved.