Frühling-Event Chrigu

 

Frühjahr 2014 – (24. Mai 2014)

Awäsend: Aui, usser de Enzo

0abec2afac85ae34ff33392406e4d73c[1]
0bd6cb861b128087d2cd220b0c0103b9[1]
15a38beb84553125c13b4f4f9d59a5e0[1]
1b9c94dab3e4bff9f8aae9218ebf25f4[1]
2002f3b6aa96afe56d8b04d3eb060e8a[1]
427d5c31de7ba1d4ea19cba0fc3c58d8[1]
60674bb9f90cc7337a1c5b05503a40ac[1]
65c8d92fcadbb558d4272a8eee533305[1]
76b6f4d026e360960a71c79d2c76cb05[1]
7f36d1096dbed4ead01eb2313a045251[1]
9807808d039cd89eb39708c0a4aff133[1]
a45f24ec7c43bd3f2ac30a036fda539a[1]
f1e5aba05594a1dfc8d07bfb24a6d192[1]
fcf454a0ac5da2e8e103821da91bb8c4[1]
IMG_0001

Mir föh nid so schnäu öppis Nöis a, drum hei mer üs wie gwohnt bim Pizza König troffe. Am 2, hett de Chrigu, üse hüttig Organisator befohle.

 

 

So um die haubi 3 isch de üse chronisch verschpötet Roli  doch ou no cho…! Ou är foht nüt me Nöis a…! Ou nüt Nöis isch s’Uftaktbierli (oder si’s ächt zwöi gsi? Oder sogar 3?), wo mer gnosse hei, bevor üs üse Büssli-Rainer wie gwohnt sicher Richtig Deitige – Wange – Wiedlisbach uf Attiswil gfüehrt hett. De Fred hett wahrschinlech scho be de Ifahrt vo Attiswil s’Schlimmschte befürchtet…! Es ängs Schtrössli duruf, mit huere vöu Kurve, dur Waud und Wiese si mer plötzlech ufem Husplatz vom Alpfelenhof glandet. D’Ussicht is Mittuland und bis zu de Aupe isch troumhaft gsi, trotz de liechte Bewöukig.

Dä super Ablick hett sich miteme fiine Duft vo verschiedene Chrütli vermischt und isch so zumene ungwohnte Sinneserläbnis wurde. Begrüesst worde simer vom Josef, em Seniorbuur vom Hof. Är hett üs während de nächschte 3 Schtung i d’Chrüterwäut vo Ricola, Swisstea entfüehrt. Uf de Füehrig dur ganzi Chrüterwiese und dure Chrütergarte mit sicher öppe 20 verschiedene Chrüterpflanze hei es paar 13er dörfe vo de Einte oder Angere Pflanze eis oder mehreri Zweigli abschnide.

E grosse Teil vo dene Chrüter hei mer nochhär säuber, zäme mit Hüttechäs, zumene feine Apéro verarbeitet. Us de  angere hets Tee gäh. Zur Uflockerig vo däm Chrüterchrampf simer de no i Waud abe go es Hufisewettwärfe veranschtaute. S’Podescht hett usem Sieger Norbi, am zwöite, üsem Schofför Rainer und am Präsi Chrigu beschtange. Aui 3 hei sich saumässig gfröit. Nid wägem Podescht, sondern wägem Siegerküssli, wo si vo de Marianne (oder wie si ou immer gheisse hett) übercho hei.

Zum Apéro hets de ebe dä fein Tee gäh und uf vöusitige Wunsch hett de Josef sogar no es paar Bierli uftribe. Üsi Biertrinker si de aber nid aui uf ihri Rächnig cho, wöu öppe d’Höufti vo dene Bierli scho si abgloffe gsi… Zrugg mitem Rainer-Büssli uf Subige simer ir Linge glandet, wo üs de Chrigu e feine Znacht, miteme rächte Bitz Fleisch ufem heisse Schtei, bschtöut hett.

 

Links:

http://www.myoberaargau.com/de/freizeit-ausfluge.53/angebote.194/hof-und-krauterfuhrungen.466.html


Copyright � 2015 13er Club Subingen

All Rights Reserved.