Neujahrsempfang

Neujohrsempfang 2013 – (Freiwöuige Alass am 02. Januar 2013)

Awäsend: Tinu, Kusi, Willi, Chrigu, Ueli

Nachdäm mer de Wäutungergang am 21. Dezämber zum Glück überläbt hei, hett sich uf Iladig vom Präsidium genau e Handvou 13er bim Pfaffeweiher im Subigerwaud troffe, um s’nöie Johr gebührend i Empfang z’näh.

 

Wöu s’Präsidium gäng no lahmet und no nid 100%ig uf de Bei, si de Präsi, de Vize und de Willi usnahmswis motorisiert agreist.

Hmmm, komischerwis hei si gar niene e Fahrverbotstafele gsichtet oder si hei se nid wöue gseh…! ;-)

Uf de Höchi vo genau 463.84 Meter über Meer (Wasserpegu) plus es paar Zentimeter hett de scho nach wenige Minute es schöns Füür brönnt, so richtig pfadiprofimässig agfüüret.

Nacheme Cherli si de no de Tinu und de Kusi häregschpaziert und so hei mer mit warmem Tee und chline Bierli und ere Servela ufem Roscht s‘Johr 2013 13ermässig vou kompatibu in Empfang gno.

Und s’Fazit vo aune gfüerte Diskussione: Aune 13er cha im Johr 2013 eigentlech nume guets passiere, oder? 

 

  

Copyright � 2015 13er Club Subingen

All Rights Reserved.