Herbst-Event Rolli

Herbst 2013 – (31. August 2013)

Awäsend: Aui usser de Fred, de Eugen und de Heinzcrying
1
2
3
5
8
10
12
13
15
18
19
21
22
25
29
32
33
35
36
37
40
42
43
44
45
46
47
49
50
51
52
53
54
55
56
58
59
60
62
63
65
66
67
69
70
71
72
75
76
78
79
81
83
85
86
87
90
91
92
93
94
95
97
98
100
101
105
107
109
111
112
115
119
120
121
128
Zemlech früeh das Johr hei mir üs wie gwohnt bim Pizzakönig zu Uftaktbierli troffe. Zum es Bödeli legge, hett üs de Wirt im Nu e grossi, feini Pizza ufe Tisch zouberet.
Uf 14.06 hett üs de Roli, üse hütig Organisator bschtöut. Aber wär nid erscht fasch am haubi 3 uftoucht isch, isch de Roli gsi, aber das kenne mer jo afe…! ;-)
Es paar Minute schpöter hett üs de Roli hinger s‘Chrüz gfüehrt, wo e Traktor miteme Ahänger uf üs gwartet hett. E Feschtbank uf de Brügi, es paar Strohbaue und e gheimnisvoui Chüeubox hei üs de Ufenthaut uf däm Ahänger erliechteret. S’Gheimnis vo dere Box isch gli glüftet gsi. Chum gluegt was drinn isch, si d’Bierli bis as Tischändi witergreicht wurde.
Nachere churze Fahrt is Mehrzwäckgebäude hett de sportlech Teil vom hütige Usflug agfange, wo übrigens ungerem Motto „Olympiade“ und de 5 farbige Ringe stattgfunge hett. I 2er-Gruppe hei mer müesse imene Rouschtueu e üsserscht aschpruchsvoue Parcour überwinde.  Und aus zuesätzlechi Schwerigkeit hett dä wo ghockt isch, no müesse miteme Hockeyschläger e Baue mitfüehre und am Schluss vom Parcour no is Gou breiche. Scho die erscht Disziplin isch auso nid ohni und sehr aschträngend gsi!
Witer mit Traktor und Wage si mer über Näbe- und Houptschtrosse, Flur- und Waudwäge schliesslech ufem Hornusserplatz in Obergerlafinge zur 2. Disziplin glandet. De Eint oder Anger hett, wo mer acho si, sini Frisüür müesse richte, wöu öppe es Äschtli übere Ahänger glängt hett oder de Fahrtwind z’schtark gsi isch.
Unger de kundige Aleitig vo üsne 2 Instruktore Thomas und sim Ghöufme si mer i d’Gheimnis vom Hornusse igweiht worde. Gloube fasch, vo üs hett einzig de Jürg scho mou e Stäcke und e Schindle – vor gfüehte 100 Johr – ir Hang gha. Aber heee, dä hett das nid verlehrt…! Nachere churze Üebigsfase hett dä Jürg doch mit dere Nouss bimene Hoor ruf de Outobahn es paar Windschutzschiibe zertrümmeret…! Es paar angeri 13er hei’s de ou baud duss gha, wie de Bewegigsablouf funkzioniert und hei d’Nouss zwüscheme 1 und öppe eme16ni lo lande. Immerhin, oder?
Nacheme wunderbar feine Zvieriplättli, wo üs d’Frou Roli, d’Olivia und ihri Tochter parat gmacht hei, isches mit üsem landwirtschaftleche Gfährt witergange. Zum Glück hett d’Olivia chlei zu üsem Vize gluegt, dä hett nämlech d’Sunnebröue und de Tschäppu lo ligge.
Die dritti Disziplin hett ufem Schueuhusplatz z’Rächerswiu stattgfunge. Mir si üs aui wie NBA-Profis vorcho wo hätte söue de Chorb us de 3-Punkt-Distanz träffe…! E Profivertrag chunnt äuä keine vo üs über. Erschtens si mer aui vööööuuu z’chli und zwöitens sötte mer de dä cheibe Chorb nid nume am Rand träffe, sondern d’Baue im Chorb versänke.
D’Diszipline 4 und 5 hei de ufem Schuehusplatz in Obergerlafinge stattgfunge. Seeeehr aschruchsvoui Wettkämpf!
He, probier mou es Appezäuer Biberli so schnäu wie möglech z’ässe! Do verworgisch jo dra, we nid mit gnue Flüssigkeit chasch nocheschpüele. Die schnäuscht 2er-Gruppe hett‘s aber tatsächlech i ca eire Minute gschafft.  Gewusst wie…! JJJ 
Aus letschte Wettkampf isch no e ‚Eiernidabegheiparcour‘ im Programm gsi. Ou do hei erschwärti Umstäng verhinderet, dass übermüetig worde bisch. Högerli uf, Högerli ab, Stägeli uf, umne Pfoschte und Stägeli ab…! Es hei, verschtändlecherwiss, nid aui Eier ganz überläbt und si zum Abschluss vom Wettkampftag i öppe 2 Mäge verschwunde. So, das wär de schportlech Teil mou gsi.
Guet gluunt und ploudernd, nid öppe gröhlend oder singend hei mer näbem Schuehus ufe Roli gwartet, wo de Traktor isch go parkiere. Do hett üs doch tatsächlech, s’isch öppe z’Obe am 7i gsi e Frou dur ne fasch 2-Meterhag zur Rueh gmahnt. Die Schuehusnachbarsfrou hett tatsächlech wöue be muckmüslischtöuer Schtöui mit ihrne 2 Ching i auer Rueh z’Nacht ässe. Jesses, und de 13er hett die Rueh gschtöhrt…! Mit de passende, das Mou lute Kommentär hei mer üs ufe Wäg is Reschtorant Schlüssu gmacht. Öppe 300 Meter siges, hett de Roli gmeint, schlussändlech si’s de aber gfüehti 10 Kilometer wurde! Ämu für eine…! ;-)
Nacheme feine, aber üppige Salat und eme feine Steak mit Pommes, aber leider ohni Wy, wöu dä d’Wirtin vergässe hett z’bringe, respäktiv erscht, wo mer fasch fertig gsi si mit ässe, hetts de no d’Rangverkündigung abgsetzt: S’Siegerduo Remo und Willi hei die Olympiade gwunne vor drü Teams ufem 2. Platz. Härzlechi Gratulation. Mitem Mannschaftsbüssli vo de Führwehr si mer, miteme Zwüschhaut im Cheschteleboum z’Rächerswiu, weder uf Subige cho.
Danke Roli für da abwächsligsrich Nomittag.

 http://www.hgobergerlafingen.ch/

 

Copyright � 2015 13er Club Subingen

All Rights Reserved.