Herbst-Event Geni

Herbst 2012 – (27. Oktober 2012)

Awäsend: Aui, usser de Vize!

 

Wie die letschte paar Mou, hei sich d‘13er bim Pizzakönig ufene Wöukommebierli troffe. Aber chum agschtoosse, het s’Organisazionskomitee - hüt i de Person vom Geni – Dampf gmacht zum ufbräche.
 
Jede 13er hett vom Geni es Löntschsäckli mitere Zwüscheverpflegig i d’Hang drückt becho.
Wägem schtrube Wätter hett de Geni müesse s’vorgsehnige Programm churzfrischtig ändere. Statt Richtig Mont Soleil im Jura isch s’Kopp Büssli Richtig Rosewäg gfahre.
Wöu de Vize gsundheitlechi Problem gha hett und drum nid hett chönne mitreise, hei mer ne miteme churze Bsüechli überracht und ou ihm no es Löntschpäckli überreicht.
Nach dem Überraschigschrankebsuech bim Vize isches de was gisch was hesch gäge Bärn gange, ah nei: gfahre! Und das erscht no ohni Brunzhaut!!! (Hmmm…de Vize isch haut nid debi gsi!)
 
Nach de oberirdische Fahrt übere ungerirdisch Wankdorf-Kreisu si d‘13er bim Stade de Suisse glandet. Hett jo müesse si,
de Geni isch jo schliesslech YB-Fän…! D‘ FCB-Fäns unger de 13er hei sich natürlech nid schtöu gha und plagiert wie 7. Aber de Geni isch eben no richtige YB-Fän und hett sich – zu rächt – nid lo be-idrucke.
 
S’Löntschsäckli isch ungerdesse ou lähr wurde und so isch me haut schnuerschtracks i d’Walterbar ghocket, um sich es Felsenaubier z’genähmige.
Ufere usgedehnte Schtadionbesichtigung hei mer üses Nationalschtadion mou vonere angere Site o uno kenneglernt. E YB-Museumsbsuech hett so wenig gfäut wie d’Besichtigung vom
 
Solarchraftwärk ufem Schtationdach. Eine vo de Basler Ultras hett sich de tatsächlech no erfrächt, is Gäschtebuech „Hopp FCB“ z’schribe. Das geit jo gar nid…!
Durchnässt und fasch igfrohre (es hett gschneit wenemohre) si mer de am Oktoberfescht im Schoppingzenter ungerem Schtadion glandet.
Die einti Deckeschtütze ir Mitti vo dem Ichoufsparadies geit übrigens genau ufe Aschpöupunkt vom Schuttplatz obedra. I de Mitti vomene Frouechleiderladedevil isch plötzlech üse Präsi glandet.
 
Dört hett är sich d’Läbensgschicht vonere Verchöiferin gedoudig aglost, bis e Befreiigsversuech per Händy vo de angere 13er erfougrich gsi isch…!
Wöu d’Beiz i de lokale Bierbrauerei vom Aute Tramdepot übervöut gsi isch, si mer – flexibu wie mer ebe sind – uf Burgdorf züglet. I de Brauerei hei mer de
das exzelänte Bier und e feini Fleischplatte gnosse. Nach dem Umtrunk isch de ou üse Präsi no vomene Schneebauräge ‚abgschosse‘ worde.
Weder im Büssli vereint, isches weder gäge s’Wasseramt gfahre. Im Reschtorant Freischütz in Däredinge si mer no einisch kulinarisch verwöhnt worde.
S’chline Räschteli bis uf Subige hei mer ou guet hinger is brocht und si nachem obligatorische Schlummertrunk bim König i d’Fädere.

 

Links:

http://www.stadedesuisse.ch/

http://www.burgdorferbier.ch/

 

Copyright � 2015 13er Club Subingen

All Rights Reserved.