Frühling-Event Fred

Frühjahr 2011 – (30 Apröu 2011)

Awäsend: Aui...! Jeahhh…!

 

Ou üse Organiator vo hüt het d’Subiger Beize nid so rächt im Griff, wie de Heinz…! Oder hei d’Beize ächt d’Subiger nid im Griff? D’Trube, d’Linge, de Bahnhof, s’Chrüz – aui zue!

Die angere si eifach chlei wit vom Gschütz (St. Urs) oder gäh de 13er nüt me z’trinke, wenn si chlei spät chöme, aber de angere Gäscht scho! L

So het üs de Fred statt ir Linge bim Pizza-König gägeüber dörfe begrüesse.

Nachem obligatorische Eröffnigsbier het üs de Fred ziustrebig a d’Bushautschtöu g’füehrt. De Schofför hett is z’Soledurn am Dornacherplatz usegrüehrt.

Vor luter Frust simer schnuerschtracks a d’Hafebar zum Soledurner 11i-Bier.

Trotzdäm das mir üs vorböudlech benoh hei, isches genau 5 Min. gange, bis mer d’Polizei am Haus gha hei. Fasch für jede 13er hei si 1 Polizischtin gschickt.

De Verdacht isch sofort ufcho, ob ächt üsi härzauerliebschte Partnerinne d’Finger chönnte im Schpöu ha. Es hett sich aber gli usegschtöut,

dass die einti Polizischtin unger d’Hube chunnt und die angere hei ghouffe poutere. Guet, dä Huuffe Froue isch natürli be üs grad a die richtig Adrässe cho…! J

Gmüetlech über d’Chrüzacherbrügg g’schländeret, isch scho de nächscht Haut cho. Im Absinthe-Shop hei mer d’Hischtorie vo däm Getränk und vöu angeri intressanti

Gschichte drüber vernoh. Be de Deguschtazion händ sich de ou die verschedene Gschmacksrichtige guet lo usegschpühre.

Aschliessend hett üs Ross und Wage via Vorstadt, Weststadt und über Flur- und Näbeschtroosse bis zum Lido g’füehrt. Natürlech hett ou ufem Brügiwage e Deguschtazion nid dörfe fähle.

Es – bis a Bach abe gföuterets – Fäudschlössli het de Uftakt gmacht, bevor mir früsch brauets Faex-Bierli hei dörfe (teilwis müesse) probiere. Zuegäh, nid jedem 13er hett jedi Faex-Gschmacksrichtig passt.

Probierets aber doch mou säuber!

Im Lido hett üs de Fred es wunderbars Znacht ufem heisse Schtei lo uffahre. S’Fleisch hett bruzzlet wo’s cho isch und je nach Bedarf hett’s jede chönne so lang lo plodere,

wiener’s hett wöue ha. Ou d’Bilage (Chneburöschti und no so gsungs Züg…!) ;-) si fein gsi und hei gmundet. De Wy het passt und und was me haut süsch no dezue oder hingedri trinkt, ou.

Rächtzitig, dass es uf d’BSU-Linie 7 ab em Poschtplatz glängt hett, si mer bim Lido abmarschiert und z’Subige hett’s de no de obligatorisch Schlummertrunk, natürlech weder bim Pizza-König, abgsetzt.

Danke Fred für dä gmüetlech, aber trotzdäm lehrriche Samschtignomittag und –Obe. Es Superbischpöu vo gmüetlech ohni grossi Aschträngig – gäu Norbi…! J

 

Links:

www.faex.ch

www.diegruenefee.ch

 

 

Copyright � 2015 13er Club Subingen

All Rights Reserved.