50 Johr Chrigu


50 Johr Chrigu (09.07.2011)
Awäsend: Aui, usser de Fred und de Geni


Isch doch üse Presi, trotz sim jugendleche Auter, das Johr trotzdäm 50gi worde…! J

Ungerem – füre Chrigu ganz untüpische – Motto „A zapft is!“ hei mir 13er a sim grosse Geburifescht im Waudhus z’Subige dörfe teilha.

Tüpisch hingäge, wie üse Presi is Waudhus agreist isch: Aus Bifahrer im Durschtlöschfahrzüg vo de 11i-Brauerei…! wink(Aus ehemaligs Füührwehrsubigemitglied ghört sich das schliesslech…!)

Chrigu’s Nochbere vom Mittudorfwäg hei aues gäh, e suuppergmüetleche Obe z’organisiere: Vo de ‚Wiesn‘ mit diverse Schpeeli (unger angerem Boumstammsaage,

Armbruschtschiesse oder Armdrücke) über ne originell dekorierti Feschthütte und ame Häppy-Hans-Musiker, wo immer im richtige Momänt s’richtige Stimmigslied agschtimmt hett.

Die feine, grillierte Mischtchratzerli hei gmundet und natürlech hei d’Wiisswürscht und d’Breetzel ou nid gfäut.

Aus Gschänk hett de Chrigu es ganzes Aufabeeth vo de Geburigsöuschaft dörfe entgäge näh…!

 

De 13er hett mitem zueglooste „V“ e Tradition ufrächt erhaute und mitere Fläsche VieiiPrünn üse Presi g’ehrt.

E schpezielli 13er-Fläscheetigette und es paar Viagrettli (… hejoo i däm Auter…!) hei üses Gschänk abgrundet.

Chrigu, danke no einisch vöumou, dass mir a dim Haubejohrhundertfescht hei dörfe debi si. Bis uf ei 13er hei mer aui dä wunderschön Obe dörfe gniesse.

Guet dä Eint hett e schmärzvoui Erinnerig a dä Obe, aber schteiherti Sieche wie mir si, hett ou är sich nüt lo amerke…! (Detäils wärde us Dateschutzgründ do keini bekannt gäh!)

Copyright � 2015 13er Club Subingen

All Rights Reserved.